2-0 sigur!

Góður leikdagur hjá strákunum okkar, við felldum tvö stykki, gómuðum þá í rúminu! Svona á að gera þetta, bara bimm bara búmm! Al Qaeda er á undanhaldi og slóð Bin Laden verður sífellt heitari, hundar hafa þefað í klúti hans og eru búnir að finna bækistöð sem hann hafði hreiðrað um sig í. Þar mátti finna ýmis plön og teikningar sem benda til þess að hann sé enn að plotta! Svo strákarnir okkar verða að fara að spíta í lófana og snúa við hverjum steini í miðausturlöndunum þar til hann finnst! Ég vona að þeir pósti því þegar þeir ná helvítinu og plaffa hann á youtube eins og með saddam! Það var næs maður!

Áfram með þetta, meira svona, og við verðum að hætta að vera svona varkár, þá næst enginn árángur, ég meina, hefðu strákarnir okkar í kína komist svona langt ef þeir hefðu aldrei þorað að skjóta af ótta við að skotin fari fram hjá? nei! auðvitað verður að gera ráð fyrir smá hliðarkostnaði í svona baráttu! Svo hef ég heyrt orðróm þess efnis að Osama hafi farið á Gaza svæðið og sé ástæða þess að þar sé nú verið að herða aðgerðir... en ég sel það ekki dýrara en ég keypti það! en ef svo er er það auðvitað bara hið besta mál.

Leiðtogar al Qaeda felldir í Pakistan

Athugasemdir

[Björgvin Gunnarsson, 9.1.2009 kl. 12:36]

Akkurat! Svona á að gera þetta! Ég er farinn að skammast mín að hafa í denn mótmælt Íraksstríðinu, ég sé núna að Bandaríkjamenn eru hetjur og eru að standa sig gríðarlega vel í þessu stríði gegn hryðjuverkum.

Hef heyrt því fleygt að Bin Laden og hans menn beri ábyrgð á jarðskjálftanum á Kosta Ríka í gær eða fyrradag. Svona menn þarf að stoppa!!

Mig grunar einnig að Al Kaída standi á bakvið norsku læknana á Gaza, þeir hafi beint að þeim byssum og látið þá ljúga um ástandið þar því það er óhugsandi að Ísraelsríki, Guðs þjóð, fari svona illa með nágranna sína, nema þeir eigi það fyllilega skilið fyrir að vera með frekju og yfirgang, heimtandi mat, rafmagn og fleiri munað!